Nov 21, 2024
ഓർമ്മകളുടെ മാഞ്ചോട്ടിൽ ലോഗോ പ്രകാശനം ചെയ്തു ആഗസ്റ്റ് 15 ന് നടക്കുന്ന വാദിഹുദ മെഗാ അലുംമ്നി മീറ്റിന്റെ ലോഗോ ഗൾഫ് മാധ്യമം പത്രാധിപർ ഹംസ അബ്ബാസ് പ്രകാശനം ചെയ്തു. പ്രശസ്ത ചിത്രകാരന്മാരായ മുത്തുക്കോയ, കെ.കെ.ആർ വെങ്ങര എന്നിവർ ചടങ്ങിൽ വിശിഷ്ടാഥിതികളായി പങ്കെടുത്തു. പ്രശസ്ത കാലിഗ്രാഫറും ഗിന്നസ് ബുക്ക് ഓഫ് റെക്കോർഡ്സ് ജേതാവുമായ ഖലീലുള്ളാ ചെംനാടാണ് ലോഗോ രൂപകൽപന ചെയ്തത്. വാദിഹുദ കോൺഫറൻസ് ഹാളിൽ നടന്ന ചടങ്ങിൽ സംഘാടക സമിതി ജന കൺവീൻ സാജിദ് നദ് വി അധ്യക്ഷത വഹിച്ചു. എസ്.എ.പി അബ്ദുൽ സലാം, ജലീൽ പടന്ന എന്നിവർ ആശംസ നേർന്നു. ഫാറൂഖ് ഉസ്മാൻ നന്ദി പറഞ്ഞു. 1981ൽ സ്ഥാപിതമായ സ്ഥാപനത്തിലെ ആദ്യ ബാച്ച് മുതൽ പഠിച്ചിറങ്ങിയ മുഴുവൻ വിദ്യാർത്ഥികളേയും സംഗമത്തിലേക്ക് ക്ഷണിച്ചിട്ടുണ്ട്. വിപുലമായ സൗകര്യങ്ങളും വൈവിധ്യമാർന്ന പരിപാടികളും ഒരുക്കാനുള്ള തയ്യാറെടുപ്പിലാണ് സംഘാടക സമിതി.
